Լյարդը հնարավոր է աճեցնել

ԱՄՆ-ի Հարվարդի համալսարանի բժշկական ֆակուլտետում բնական լյարդի աճեցման նոր մեթոդ են մշակել, որի շնորհիվ հնարավոր կլինի հիվանդ լյարդը փոխարինել նորով:

Մեթոդը բաղկացած է երկու փուլից: Սկզբում դոնոր լյարդի բոլոր բջիջները` ընդհուպ մինչև «հիմնային» կմախքը, որը բաղկացած է շարակցական հյուսվածքից և արյունատար անոթներից, քիմիական մեթոդներով մաքրման են ենթարկվում: Այնուհետև հիմնակմախք են ներմուծում հիվանդի բնային և սաղմնային բնային բջիջներ: «Նորաբնակները» աճում են` փոխարինելով հյուսվածքի հեռացված բջիջներին: Այս եղանակով ստացված լյարդն արդեն փոխպատվաստվել է փորձնական առնետներին:

Մարդու լյարդը փոխարինելու համար մինչև այժմ էլ օգտագործում են հիվանդ մարդու օրգանիզմին դոնորի համատեղելի լյարդի մի մասը կամ մահացած մարդկանց լյարդը: Այդ նպատակով, սակայն, վերջիններիս օրգանները մեծավմասամբ  չեն օգտագործվում, քանի որ դրանք որևէ հիվանդության հետևանքով վնասված կամ ծերացած են լինում: Նոր մեթոդի համաձայն, բժիշկները փոխպատվաստման համար կարող են անգամ դրանք օգտագործել, ինչպես նաև մարդու լյարդն աճեցնել խոզի լյարդի հիմնակմախքի վրա: Ահա ևս մեկ առավելություն` հիվանդին սեփական բջիջներից աճեցված լյարդ փոխպատվաստելու դեպքում նրա  օրգանիզմը չի  մերժում նոր օրգանին,  ուստի այդ ռեակցիան ճնշող դեղերի օգտագործման կարիք չի զգացվում, որոնք զգալիորեն թուլացնում են իմունիտետը:

Հարցեր, պատասխաններ, մեկնաբանություններ